Լարվում են թուրք-գերմանական հարաբերությունները

Միջազգային08:30, 22 Հունիս 2013

Լարվում են թուրք-գերմանական հարաբերությունները

Թուրքիա-Գերմանիա հարաբերությունները Ստամբուլի Գեզի զբոսայգում սկսված քաղաքացիական խռովությունների պատճառով լարված բնույթ են ստացել: Եվրամիություն-Թուրքիա բանակցությունների հերթական փուլը Գերմանիայի առարկության հետևանքով հնարավոր է չմեկնարկի: Այս առթիվ հունիսի 21-ին Բեռլինում Թուրքիայի դեսպան Հուսեին Ավնի Կարսըօղլուն կանչվել է Գերմանիայի արտգործնախարարություն` պարզաբանումներ տալու Թուրքիայի եվրաինտեգրման հարցերով պետնախարար և բանակցություններում գլխավոր բանագնաց Էգեմեն Բաղըշի` Գերմանիայի կանցլեր Անգելա Մերկելի՝ Ստամբուլում ոստիկանության գործողությունների վերաբերյալ արած մեկնաբանություններին կոշտ արձագանքելու համար: Թուրքիան իր հերթին անմիջապես պատասխան քայլով է հանդես եկել: Անկարայում Գերմանիայի դեսպան Էբերհարդ Փոհլին հրավիրվել է արտգործնախարարություն:

Հիշեցնենք որ, Անգելա Մերկելը Թուրքիայում ոստիկանության կոշտ միջամտության վերաբերյալ ասել էր. «Իրադարձություններն ինձ էլ բազմաթիվ մարդկանց նման ուղղակի ցնցեցին»: Այս տողերին ի պատասխան Էգեմեն Բաղըշն ասել էր, որ Մերկելն իր այդ պահվածքով Գերմանիայում սեպտեմբերին սպասվող ընտրությունների համար հող է նախապատրաստում: Բղըշը մանավորապես նշել էր. «Մերկելը Գերմանիայի ընտրություններում իր համար թեմա է փանտրումս, Թուրքիա չպտք է այդ թեման լինի, Ֆրանսիայում էլ Սարկոզին ցանկացավ նույն կերպ վարվել, բայց արդյունքը այնքան էլ հաջող չստացվեց»:

Ըստ Մերկելի` ԵՄ-ի հետ բանակցությունների նոր փուլի մեկնարկը կլինի «Պարգևատրություն Էրդողանին»:

Ermenihaber.am