ERMENI HABER AJANSI

Ներկայումս միջազգային հարնության ուշադրությունը սևեռված է Սիրիայում ընթացող ռազմական գործողություններին: Լայնորեն քննարկվում է այն հարցը, թե արդյոք Բաշար Ասադի զորքերը կիրառել են քիմական զենք: Այս համատեքստում, մինչ ԱՄՆ կոնգրեսը աշխատանքներ է կատարում Սիրիայի վրա սահմանփակ օդային հարձակում իրականացնելու որոշում ընդունելու շուրջ, Ռուսաստանի և Սիրիայի արտգործնախարարներ Սերգեյ Լավրովը և Վելիդ Մուալլիմը հանդիպել են Մոսկվայում: Այդ մասին հայտնում է թուրքական «Զաման» օրաթերթը:

Հանդիպման ժամանակ Վելիդ Մուալլիմը Սերգեյի Լավրովին  է փոխանցել նախագահ Ասադի շնորհակալական խոսքը՝ հասցեագրված Ռուսաստանի նախագահ Վլադիմիր Պուտինին՝ կապված վերջինիս  Սանկտ Պետերբուրգում տեղի ունեցած ՄԵԾ-20 գագաթնաժողովից առաջ և հետո Սիրիայի ճգնաժամի վերաբերյալ ունեցած դիրքորոշման, խնդրի դիվանագիտական ճանապարհներով լուծմանը կողմ լինելու և այդ ուղղությամբ ջանք գործադրելու համար:Սերգեյ Լավրովն իր հերթին նշել է որ, Սիրիայի վերաբերյալ Ռուսաստանի դիրքորոշումը վճռական է, և Ռուսաստանը թույլ չի տա արտաքին որևէ ռազմական միջամտություն: Նա մասնավորապես ասել է. «Խնդրի լուծման դիվանագիտական ուղուց բացի այլընտրանք չկա, ռազմական միջամտությունն անընդունելի է»:

Լավրովը հիշեցրել է 2012 թվականի հունիսի 30-ին Սիրիայի վերաբերյալ ձեռք բերված Ժնևի համայձանագիրը և հավելել, որ իրենք անելու են ամեն բան պայմանագրով ձեռք բերված պայմանավորվածությունները կատարվելու համար: Լավրովի խոսքերով, ներկայումս Ռուսաստանը և ԱՄՆ աշխատում են Ժնևյան երկրորդ գագաթաժողով կազմակերպելու ուղղությամբ:Սիրիայի արդգործնախարարը, ի պատասխան Լավրովի խոսքերի, ասել է, որ ամերիկյան  հրթիռները Ժնևյան երկրորդ գագաթաժողովի իրագործումը դարձնում է անհնարին, ապա հավելել.  «Մենք պատրաստ ենք  մասնակցել Սիրիային վերաբերող ցանկացած կոնֆերանսի, որը կլինի առանց նախապայմանների»:

Ermenihaber.am