Ամերիկացի փորձագետ. «Թուրքիայի դեմոկրատիա. 2 քայլ առաջ, 2 քայլ հետ»

Միջազգային09:51, 13 Հունվար 2014

Ամերիկացի փորձագետ. «Թուրքիայի դեմոկրատիա. 2 քայլ առաջ, 2 քայլ հետ»

Թուրքիայի հարցերով ամերիկացի փորձագետ Հենրի Բարքեյը լարվածություն կանխատեսել է Անկարա-Վաշինգտոն առաջիկա հարաբերություններում: Բարքեյը նշում է, որ Անկարայում և Ստամբուլում իրականացված «Մեծ կաշառակերություն» ոստիկանական օպերացիայից հետո Թուրքիայում սկսել են արտաքին ուժերի ձեռագիր փնտրել կատարվածի մեջ, մասնավորապես Միացյալ Նահանգների ու Իսրայելի: Փորձագետը հիշեցրել է, որ Թուրքիայի ամենամեծ դաշնակիցը, օգնություն ցուցաբերողը ԱՄՆ-ն է, մինչդեռ Անկարան իր կողմնակիցներին տրամադրում է ԱՄՆ-ի դեմ, սարսափելի բաների մեջ անհիմն մեղադրում Միացյալ Նահանգներին:

Փորձագետի համոզմամբ` Թուրքիայում գարնանը առավել ակտիվ ընդդիմություն կձևավորվի: Մարտի 30-ին սպասվող ՏԻՄ ընտրություններին 50 տոկոսի հավակնող իշխանական «Արդարություն և զարգացում» կուսակցությունը լավագույն դեպքում կստանա 42 տոկոսանոց հանրային աջակցություն:

Հենրի Բարքեյը, բնութագրելով Թուրքիայի հասած ժողովրդավարության աստիճանը, ասել է. «Թուրքիայի դեմոկրատիա. եկու քայլ առաջ, երկու քայլ հետ: Թուրքիայում ժողովրդավարությունը կիսահասուն մակարդակի վրա է մնացել և 2012-ից սկսած դոփում է նույն տեղում»:

Ermenihaber.am