ԱՄՆ-ի թուրքական խմբերը ջանում են խոչընդոտել հայկական բանաձևի ընդունմանը

Միջազգային16:04, 30 Հունվար 2014

ԱՄՆ-ի թուրքական խմբերը ջանում են խոչընդոտել հայկական բանաձևի ընդունմանը

ԱՄՆ Կալիֆորնիայի նահանգային վեհաժողովը հունվարի 29-ին միաձայն ընդունել է Կալիֆորնիայի դպրոցների ուսումնական ծրագրերում Հայոց ցեղասպանության մասին ուսուցումը ներառելու վերաբերյալ AB 659 բանաձևը:

AB 659 բանաձևը հունվարի 31-ին քննարկման կներկայացվի նահանգային Սենատում:

Բանաձևով նախատեսվում է Հայոց ցեղասպանության վերաբերյալ նյութերը ներառել Կալիֆորնիայի պետական ուսումնական ծրագրերում և ընդլայնել Հայոց, Կամբոջայի, Դարֆուրի և Ռուանդայի, Հոլոքոսթի ցեղասպանությունների մասին բանավոր վկայությունների օգտագործումը:

Թուրքական «Միլլիյեթի հաղորդմամբ՝ ԱՄՆ-ի թուրքական խմբերը հակառակ արշավ են սկսել՝ նպատակ ունենալով խանգարել հունվարի 31-ին վերոնշյալ բանաձևի հաստատմանը: «Pax Turcica» թուրքական կազմակերպությունը ստորագրահավաք է սկսել և հույս ունի մինչև քվեարկութունը Նահանգային սենատի անդամներին համոզել, որպեսզի վերջիններս չքվեարկեն հայկական բանաձևի օգտին:

Ermenihaber.am