Ռումինիան սատարում է Թուրքիային ԵՄ անդամակցության հարցում

Միջազգային08:16, 07 Փետրվար 2014

Ռումինիան սատարում է Թուրքիային ԵՄ անդամակցության հարցում

Երկօրյա պաշտոնական այցով Թուրքիա մեկնած Ռումինիայի նախագահ Տրայան Բեսեսկուն Անկարայում մասնակցել է Թուրքիայի առևտրային պալատների և բորսաների միության կողմից կազմակերպած համաժողովին:

Ըստ «Սի էն էն թուրք» լրատվանի տեղեկատվության` Ռումինիայի նախագահը ողջունել է Թուրքիայի եվրաինտեգրման գործընթացը և հայտնել իր ղեկավարած երկրի աջակցությունը Թուրքիայի ԵՄ անդամակցությանը; Բայց միևնույն ժամանակ նա նկատել տվել, որ եթե Եվրամիության հետ բանակցություններում չներառվեն բոլոր գլուխներն ու բաժինները, ապա գործընթացը փակուղի կմտնի: Ռումինիայի նախագահը հատկապես կարևորել է Թուրքիայի արդարադատության և դատաիրավական համակարգի գլուխը բանակցային գործըթնացում:

Բեսեսկուն նաև կոչ է արել թուրք գործարարներին ներդրումներ կատարել Ռումինիայում:

Հիշեցնենք, որ Ռումինիան Եվրամիության ներկայիս 28 անդամ պետություններից մեկն է: Անդամակցել է 2007 թվականին: Ժամանակագրական առումով ԵՄ անդամ դարձած վերջին պետությունը Խորվաթիան է (2013թ.):

Ermenihaber.am