Թուրք դեսպանը` ֆրանս-թուրքական հարաբերությունների մասին

Միջազգային11:06, 10 Փետրվար 2014

Թուրք դեսպանը` ֆրանս-թուրքական հարաբերությունների մասին

Ֆրանսիայում Թուրքիայի արտակարգ և լիազոր դեսպան Թահսին Բուրջուօղլուն մանրամասներ է հաղորդել 2 տարի առաջ Ֆրանսիայում Հայոց ցեղասպանության ժխտումը քրեականացնող օրնեքի ընդունման պատճառով Թուրքիայի և Ֆրանսիայի միջև առաջացած լարվածության մասին:

Դեսպանը նշել է, որ եթե Ֆրանսիայի Սահմանադրական խորհուրդը չեղյալ չհայտարարեր Սենատի կողմից ընդունված օրինագիծը, ապա Անկարան կխզեր Փարիզի հետ հարաբերությունները:

Ինչպես տեղեկացնում է թուրքական «Բուգյուն» լրատվական կայքը, դեսպանը նշել է, որ դիվանագիտական նոտան մինչև Սահամադարական խորհրդի որոշումն արդեն պատրաստած է եղել:

Ըստ դեսպանի՝ նոտայով դիվանագիտական հարաբերությունները դեսպանի մակարդակից իջեցվելու էր գործերի ժամանակավոր հավատարմատարի մակարդակի:

Դեսպան Թահսին Բուրջուօղլուն, ով փետրվարի 14-ին պաշտոնաթող է լինելու, հայտնել, որ այդ նոտան պահպանում է որպես հուշ և պատրաստվում է շրջանակի մեջ դնել ու կախել պատից:

Emenihaber.am