Նամակ Օբամային՝ ԱՄՆ դիրքորոշումը Թուրքիայի հարցում հստակեցնելու պահանջով

Միջազգային13:03, 20 Փետրվար 2014

Նամակ Օբամային՝ ԱՄՆ դիրքորոշումը Թուրքիայի հարցում հստակեցնելու պահանջով

Ամերիկյան շուրջ 80 նախկին սենատորներ, դիվանագետներ, վերլուծաբաններ փետրվարի 19-ին բաց նամակ են հղել ԱՄՆ նախագահ Բարաք Օբամային՝ պահանջելով որոշակիացնել ԱՄՆ դիրքորոշումը Թուրքիայում տիրող ներկայիս իրավիճակի հարցում:

Նամակի հեղինակները նախագահից պահանջում են խախտել երկարատև լռությունը և գնահատական տալ վարչապետ Ռեջեփ Թայիփ Էրդողանի իշխանության վարած քաղաքականությանը: Նրանց կարծիքով ԱՄՆ-ի լռությունը կխրախուսի Էրդողանին երկրում իրավունքի գերակայությունը նվազեցնելու հարցում:

Հեղինակներն անհանգստություն են հայտնել Գեզի զբոսայգու և հակակոռուպցիոն հետաքննության դեմ էրդողանի պատասխան գործողություններից: Նշվում է, որ այս ամենի դեմ Էրդողանի պատասխան գործողությունները սպառնում են երկրի փխրուն ժողովրդավարությանը և այն բռնապետության վերածելու վտանգ են ստեղծում:

Ըստ նրաց՝ Էրդողանը և իր «Արդարություն և զարգացում» կուսակցության ներկայացուցիչները չարաշահելով իրենց դիրքերը և վտանգի ենթարկելով օրենքի գերակայությունը, փակում են հետաքննությունները, հայուրավոր դատախազների, հազարավոր ոստիկանների պաշտոնանկ են անում կամ աշխատավայրերը փոխում, փակում են լրատվամիջոցների բերանը:

Նրանք ընդգծել են, որ իրենց կարծիքով Էրդողանն իր բռնատիրական գործողություններով և դեմագոգիայով վտանգի տակ է դնում թուրք-ամերիկայն հարաբերությունները:

Նամակի տակ ստորագրել են ինչպես դեմոկրատ, այնպես էլ հանրապետական նախկին սենատորներ: Նրանց մեջ են նախկին պետքարտուղար Հիլարի Քլինթոնի օգնական Անն-Մարի Սլոթերը, նախկին նախագահ Ջորջ Բուշի խորհրդական Էլիոթ Աբրամսը, «Freedom House» իրավապաշտպան կազմակերպության տնօրեն Դևիդ Քրամերը:

Ermenihaber.am