Միջազգային մամուլ. Թուրքիայի ճամփաբաժանը` կամ եվրոպական արժեքներ, կամ իսլամական ավտորիտարիզմ

Միջազգային08:39, 28 Մարտ 2014

Միջազգային մամուլ. Թուրքիայի ճամփաբաժանը` կամ եվրոպական արժեքներ, կամ իսլամական ավտորիտարիզմ

Միջազգային մամուլն արձագանքել է Twitter միկրոբլոգից հետո Թուրքիայում YouTube սոցկայքի արգելափակման փաստին: Առաջին անգամ YouTube-ը Թուրքիայում արգելափակվել էր 2008 թվականին:

The Wall Street Journal

Այս արգելափակումը Թուրքիայի համար տեղ է ապահովել ինտերնետի գրաքննություն իրականացնող երկրների (Չինաստան, Սիրիա և Հյուսիսային Կորեա) ակումբում:

La Republica

Շարունակվում են վարչապետ Էրդողանի անձնական հարձակումները սոցմեդիայի դեմ:

İl Sole 24 Ore

Թուրքիան հիմա ճամփաբաժանի առաջ է. կամ եվրոպական արժեքների պետություն կամ իսլամական, ավտորիտար պետություն: Թուրքիայում կայանալիք տեղական ինքնակառավարման մարմինների (ՏԻՄ) ընտրություններից 3 օր առաջ YouTube-ի արգելափակումը բարձրացնում է «Թուրքիայի ճնշումը»:

Corriere DellA Sera

Թուրքիայի վարչապետ Էրդողանը Twitter-ից հետո վիդոկայք է գրաքննում: Twitter-ի դեպքում հաջողության չհասնելով` հիմամ էլ YouTube արգելափակումն է կրկին փորձում:

Jerusalem Post

Վարչապետ Էրդողանը YouTube-ում հայտնված Սիրիայի դեմ հնարավոր ռազմական օպերացիայի քննարկման ձայնագրությունն անվանել է ստոր արարք, իսկ կառավարությունը արգելափակել է նշյալ կայքը:

El Cezire

Եվ Twitter-ը, և YouTube-ը արգելափակվում են այն բանից հետո, երբ համացանցում տարածվում են թուրքական կառավարությանը վնաս հասցնող գաղտնալսված ձայնագրություններ:

BBC

Համացանցում հայտնված ձայնագրությունների պատճառով է Թուրքիայում արգելափակվել YouTube-ի հասանելիությունը:

Ermenihaber.am