Քեսաբի հարցով թուրքական սփյուռքը անցել է հակահարձակման

Միջազգային09:37, 05 Ապրիլ 2014

Քեսաբի հարցով թուրքական սփյուռքը անցել է հակահարձակման

Սիրիայի հյուսիսում Թուրքիայի հետ սահմանակից հայաբնակ Քեսաբ ավանի և հայ բնակչության պաշտպանության համար աշխարհասփյուռ հայերի գործողությունները, կոչերը, ցույցերը և համացանցային արշավները թուրքական համայնքային կառույցների թիրախում են հայտնվել:

Թուրք-ամերիկյան կազմակերպությունների միության (ATAA) նախագահ Մեհմեթ Չելեբին, թուրք-ամերիկյան միությունների ֆեդերացիայի (FTAA) նախագահ Աթիլլա Փաքի և թուրք-ամերիկյան հասարակական կենտրոնի և մզկիթների գլխավոր քարտուղար Ադեմ Բույուքաջարի անունից նամակ է հղել ԱՄՆ նախագահ Բարաք Օբամային և Կոնգրեսին:

Նամակում Չելեբին նշում է, որ իրեն խորապես մտահոգում է հայկական սփյուռքի կառույցներից Ամերիկայի հայ դատի հանձնախմբի (ANCA)՝ Քեսաբում բախումների առնչությամբ Թուրքիային մեղադրանքներ հասցեագրելու և նոր ցեղասպանության մասին սխալ և անպատասխանատու հայտարարությունները:

Նա ընդգծում է, որ իրականում ANCA-ն Վաշինգտոնում աջակցում է Ասադին: «Ավելին, ամոթալի է, որ ANCA-ն շահագործում է Սիրայում հումանիտար ողբերգությունը՝ ի օժանդակություն Թուրքիայի կողմից ցեղասպանություն իրագործելու մասին պնդումներին»,- հավելել է Չելեբին:

Թուրքական կառույցի ղեկավարը հայտնում է, որ ըստ տարածաշրջանից ստացված տեղեկությունների, հայկական եկեղեցիները պահպանության տակ են և ընդդիմադիրները հայերին վնաս չեն հասցրել:

Ermenihaber.am