Գյուլն ու Էրդողանը «Աշխարհի 100 ամենաազդեցիկ մարդիկ» ցուցակի թեկնածու են առաջադրվել

Միջազգային11:43, 14 Ապրիլ 2014

Գյուլն ու Էրդողանը «Աշխարհի 100 ամենաազդեցիկ մարդիկ» ցուցակի թեկնածու են առաջադրվել

Հայտնի «Թայմ» ամսագիրը «Աշխարհի 100 ամենաազդեցիկ մարդիկ» ցուցակը կկազմի իր ընթերցողների միջոցով: Հարցմանը ներկայացվել է Թուրքիայի նախագահ Աբդուլլահ Գյուլի և վարչապետ Ռեջեփ Թայիփ Էրդողանի թեկնածությունը:

Թուրքական «Հաբեր ա» լրատվական կայքը տեղեկացնում է, որ նույն անվանակարգում ներկայացված են 25 հոգի, որոնց շարքում են Հռոմի պապ Ֆրանցիսկոս Առաջինը, Բիլ Գեյթսը, Գերմանիայի կանցլեր Անգելա Մերկելը, Ռուսաստանի նախագահ Վլադիմիր Պուտինը, Էդվարդ Սնոուդենը:

Ամսագիրը նախագահ Գյուլի մասին նշում է, որ նա համարվում է այլընտրանք վարչապետի Էրդողանին: Ըստ «Թայմի»՝ Գյուլն ավելի մեղմ գիծ է որդեգրել՝ ի տարբերություն էրդողանի:

Իսկ էրդողանի մասին ամսագիրն առանձնացրել է նրա հաջողությունը տեղական ինքնակառավարման մարմինների ընտրություններում, որի շնորհիվ վարչապետը կարողացավ հաղթահարել կաշառակերության սկանդալը և հակակառավարական բողոքները:

Քվեարկությունը կշարունակվի մինչև ապրիլի 22-ը, իսկ ցուցակը կհրապարակվի 2 օր անց՝ ապրիլիի 24-ին:

Ermenihaber.am