Գյուլենականները դրական են գնահատել Էրդողանի հայտարարությունը

Միջազգային07:58, 24 Ապրիլ 2014

Գյուլենականները դրական են գնահատել Էրդողանի հայտարարությունը

Ամերիկաբնակ Ֆեթուլլահ Գյուլենի ղեկավարած իսլամական հզոր շարժման հետևորդները` գյուլենականները, անդրադարձել են Թուրքիայի վարչապետ Ռեջեփ Թայիփ Էրդողանի` նախօրեին հղած ցավակցական ուղերձին: Այն ընդհանուր առմամբ դրական է գնահատվել, քանի որ նման է գյուլենականների կողմից ավելի վաղ արված առաջարկին, այն է. «Թուրքական իշխանությունների կողմից այդ ցավալի դեպքերի պաշտոնական և անկեղծ ճանաչումը կարող է բարի նպատակի դրսևորման լուրջ դրսևորում լինել»:

Թուրքական «Սոզջու» լրատվական կայքի տեղեկացմամբ՝ գյուլենական համայնքին մոտ կանգնած «Rethink» ինստիտուտի տնօրեն Ֆևզի Բիլգինը Վաշինգտոնից հայտնել է, որ համայնքին պատկանող կառույցները ակտիվորեն գործակցում են հայ-ամերիկյան կառույցների հետ:

Ըստ Բիլգինի՝ գյուլենականների կառույցները խուսափում են հայ հասարակությանը թիրախ կամ թշնամի ներկայացնող արտահայտություններից: «Այդպիսի նախաձեռնությունով զբաղվելու, ռեսուրս ծախսելու փոխարեն կապ պետք է հաստատեինք այդ մարդկանց հետ, որոնք մեծամասամբ գաղթել են Անատոլիայից (Արևմտյան Հայաստան- ermenihaber.a,)»,- նշել է Բիլգինը:

Գյուլենական համայնքի մերձավոր շրջանակներից համարվող «Թուրք-ամերիկյան համագումար»-ի (TAA) նախագահ Ֆարուք Թաբան դրական է գնահատել Թուրքիայի վարչապետի հայտարարությունը՝ նշելով, որ ատելություն սերմանելը սխալ է:

Ermenihaber.am