New York Times. Գյուլենին արտահանձնելու Էրդողանի նախաձեռնությունը հիմարություն է

Միջազգային09:01, 03 Մայիս 2014

New York Times. Գյուլենին արտահանձնելու Էրդողանի նախաձեռնությունը հիմարություն է

Թուրքիայի իշխանությունները նախաձեռնել են ամերիկաբնակ Ֆեթուլլահ Գյուլենի արտահանձնման գործընթացը: Այդ նախաձեռնությունը ամերիկյան «New York Times» պարբերականը հիմար և ծիծաղել է որակել: Նշվում է, որ գյուլենական շարժման առաջնորդին արտահանձնելու նախաձեռնություն սկսելու համար Անկարան չունի բավականաչափ և անհրաժեշտ իրավական հիմքեր:

Պարբերականը նշում է, որ եթե նույնիսկ Անկարան պաշտոնապես ԱՄՆ-ին Գյուլենի արտահանձնման պահանջ ներկայացնի, Սպիտակ տունը դրական պատասխան չի տալու: 1990-ականների վերջերից ԱՄՆ-ում մշտական բնակություն հաստատած Գյուլենի նկատմամբ ոչ մի քրգործ չի հարուցվել, որպես օրինապահ քաղաքացի, նա շարունակում է բնակվել ԱՄՆ Փենսիլվանիա նահանգում:

«Ուրեմն Գյուլենը Վաշինգտոնի համար սպառնալիք չի ներկայացնում, հակառակ դեպքում չէր կարողանա շարունակել մնալ երկրում»,- եզրակացնում է պարբերականը:

Հիշեցնենք, որ Ֆեթուլլահ Գյուլենը 1999 թվականից բնակվում է ԱՄՆ-ում: Թուրքիայի 1997 թվականի փետրվարի 28-ի ռազմական հեղաշրջումից հետո իսլամական այս ազդեցկ գործչի նկատմամբ սկսվեց քրեական հետապնդում, որի պատճառով էլ նա ստիպված եղավ տեղափոխվել ԱՄՆ: Գյուլենը համարվում է արդի իսլամի և ժողովրդավարության սինթեզը կրող ու աշխարհում Թուրքիայի ազդեցությունը ուժեղացնող անձ: Վերջին շրջանում թուրքական իշխանությունները առճակատման մեջ են գյուլենական ուժերի հետ ու Ֆեթուլլահ Գյուլենին մեղադրում են Թուրքիան վարկաբեկող և պառակտող գործունեություն ծավալելու համար:

Ermenihaber.am