Հռոմի պապն իր ցավակցությունն է հայտնել Թուրքիային

Միջազգային12:55, 14 Մայիս 2014

Հռոմի պապն իր ցավակցությունն է հայտնել Թուրքիային

Կաթոլիկ աշխարհի հոգևոր առաջնորդ Հռոմի պապ Ֆրանցիսկը, Վատիկանում ընդունելով Դիարբեքիրից ժամանած թուրքական պատվիրակությանը, որի կազմում եղել են նաև հայ, ասորի և քաղդեացի պատվիարկներ, իր ցավակցությունն է հայտնել Թուրքիայում տեղի ունեցած խոշոր վթարի կապակցությամբ:

«Սիրելի եղբայրներ, կոչ եմ անում աղոթք բարձրացնել առ աստված երեկ Թուրքիայում ածխահանքի վթարին զոհ գնացած և ստորգետնյա արգելափակման մեջ հայտնված մարդկանց համար: Թող աստված ընդունի զոհերի հոգիները, իսկ նրանց ընտանիքներին սփոփություն տա»,- ըստ թուրքական «Սոն դաքիքա» լրատվական կայքի` ասել է Հռոմի պապը:

Պատվիրակության անդամ Աբդուլլահ Դեմիբաշը տեղեկացրել է, որ իրենք Հռոմի պապին հրավիրել են այցելել Դիարբեքիր:

Հիշեցնենք, որ Թուրքիայի արևմտյան Մանիսա նահանգի Սոմա շրջանում գտնվող ածխահանքում նախնական տեղեկությունների համաձայն էլեկտրական խոտանից նախօրեին բռնկվել էր հրդեհ, ինչի հետևանքով խոշոր վթար էր տեղի ունեցել: Հանքում այդ պահին գտնվելիս է եղել 787 աշխատակից: Տեխնածին այդ աղետի կապակցությամբ Թուրքիայում հայտարարվել է եռօրյա սուգ: