Գերմանիայի կանցլերը մտահոգված է Թուրքիայի քրիստոնյանների վիճակով

Միջազգային08:39, 24 Մայիս 2014

Գերմանիայի կանցլերը մտահոգված է Թուրքիայի քրիստոնյանների վիճակով

Գերմանիայի կանցլեր Անգելա Մերկելն անհանգստություն է հայտնել Թուրքիայում նկատվող վերջին զարգացումների կապակցությամբ: Գերմանական «Pfälzische Merkur» և «Saarbrücker Zeitung» թերթերին տված հարցազրույցում նա մասնավորապես մտահոգություն է հայտնել Թուրքիայում ցուցարարների հանդեպ դրսևորվող վերաբերմունքի ու քրիստոնյաների օրհասական դրության առիթով: Միևնույն ժամանակ Գերմանիայի կանցլերը շեշտել է, որ Թուրքիայի վարչապետ Ռեջեփ Թայիփ Էրդողանի կառավարության օրոք երկիրն արձանագրել է տնտեսական մեծ առաջընթաց, իսկ քրդական հարցն էլ մտել է կարգավորման գործըթնացի մեջ:

Նշենք, որ այսօր նախատեսված է Էրդողանի այցը Գերմանիա, մասնավորապես Քյոլն քաղաք: Գերմանիայում է գտնվում է թուրքական սփյուռքի ամենամեծ համայնքը (շուրջ 3 մլն): Վերլուծաբանների համոզմամբ` Էրդողանի Գերմանիա կատարելիք այցը հետապնդում է նախընտրական արշավի նպատակ, քանի որ օգոստոսին կայանալիք նախագահական ընտրություններում քվեարկելու իրավունք ունեն նաև արտասահմանաբնակ թուրքերը: Էրդողանի այցի նախաշեմին Քյոլնում արդեն բողոքի մթնոլորտ է թեժանում: Վարչապետի օգնական Էմրուլլահ Իշլերի դեմ Քյոլնում բողոքի ցույց է անցկացվել, երբ վերջինս տեղի թուրքական ռեստորանների մեկում ճաշելիս է եղել:

Ermenihaber.am