Deutsche Welle. Էրդողանից տրամաբանություն սպասելն իզուր է

Միջազգային11:21, 29 Մայիս 2014

Deutsche Welle. Էրդողանից տրամաբանություն սպասելն իզուր է

Լրանում է Թուրքիայի աննախադեպ լայնամասշտաբ հակակառավարական ցույցերի (Գեզիի դեպքեր) մեկ տարին: Թեմային անդրադարձել է գերմանական «Deutsche Welle» պարբերականը: «Էրդողանից տրամաբանություն սպասելն իզուր է» վերտառությամբ հոդվածում պարբերականը նշում է, որ 2013-ի մայիսի 28-ից սկիզբ առած բնապահպանական բնույթի բողոքի ակցիաներն օրեր անց վերածվեցին հակակառավարական ցույցերի:

«Բողոքի ցույցերի ժամանակ ի հայտ եկան ոստիկանության անգութ պահվածքը, դեմոկրատական և իրավական պետությանն անվայել դրսևորումները, որոնք պարզապես ցնցեցին Թուրքիայի և միջազգային հանրությանը»,- գրում է «Deutsche Welle»-ն` հիշեցնելով, որ բազմաթիվ հասարակական կազմակերպություններ կոչ են արել Գեզիի դեպքերի մեկամյակի կապակցությամբ կրկին ցույցեր անցկացնել Ստամբուլի Թաքսիմ հրապարակում:

Պակաս հավանական է համարվում, որ այս անգամ Թուրքիայի վարչապետ Ռեջեփ Թայիփ Էրդողանը հանդուրժողականություն կցուցաբերի բողոքավոր զանգվածների նկատմամբ, ոստիկաններին հարձակվել չի տա ցուցարարների վրա: Իսկ ահա ոչ վաղ անցյալում իրեն քննադատած եվրոպական մամուլի և գերմանացի քաղաքական գործիչների հասցեին բանավոր հարձակումներ կատարելով Էրդողանը ևս մեկ անգամ ապացուցեց, որ անիմաստ է իրենից որևէ տրամաբանական պահվածք սպասել: Նման եզրահանգման է եկել գերմանական պարբերականը` ենթադրելով, որ առաջիկայում Թուրքիայում ավելի մեծ բողոքներ ու բախումեր կլինեն:

Ermenihaber.am