ԱՄՆ-ը պատասխանել է Էրդողանի մեղադրանքներին. «Ծիծաղելի է և անհեթեթ»

Միջազգային08:12, 04 Հունիս 2014

ԱՄՆ-ը պատասխանել է Էրդողանի մեղադրանքներին. «Ծիծաղելի է և անհեթեթ»

ԱՄՆ պետքարտուղարության խոսնակի տեղակալ Մարի Հարֆն մեկնաբանել է Թուրքիայի վարչապետ Ռեջեփ Թայիփ Էրդողանի՝ ամերիկյան «CNN» լրատվականի Ստամբուլի թղթակից Իվան Ուաթսոնի հասցեին ասված խոսքերը:
Տեղեկացնենք, որ Թուրքիայի վարչապետը երեկ կուսակցության ժողովում ելույթ ունենալիս Իվան Ուաթսոնին գործակալ էր անվանել:

Ըստ թուրքական «Վաթան» թերթի՝ վերջինս կալանավորվել էր, երբ հետևում էր Գեզի զբոսայգու դեպքերի տարելիցին նվիրված միջոցառումներին:

Հարֆը նշել է, որ ԱՄՆ-ն աջակցել է և կշարունակի աջակցել Թուրքիայում խոսքի ազատությանը, ինչպես նաև կօժանդակի որպեսզի Ուաթսոնի կարողանա լրագրությամբ զբաղվել: Նա Ուաթսոնի հասցեին Էրդողանի մեղադրանքներն անվանել է ծիծաղելի և անհեթեթ:

«CNN»-ն, անդրադառնալով Էրդողանի խոսքերին, նշել է. «Մենք պատասխանատու ենք Թուրքիայի վերաբերյալ մեր բոլոր լուրերի համար, քանի որ դրանք հիմնված են ճշմարիտ և կոնկրետ տվյալների վրա ու անկողմնակալ են և այդպես էլ շարունակվելու է»:

Ermenihaber.am