Թուրք հաքերները կոտրել են Ավստրիայի արտգործնախարարի կայքը (լուսանկար)

Միջազգային08:12, 17 Հունիս 2014

Թուրք հաքերները կոտրել են Ավստրիայի արտգործնախարարի կայքը (լուսանկար)

«Cyber-Warrior Akıncılar» անվամբ հանդես եկող թուրք հաքերները կոտրել են Ավստրիայի արտգործնախարար Սեբաստիան Քուրզի կայքը: Նրանք կայքում տեղադրել են Օսմանյան կայսրության սուլթան Սուլեյման Առաջինի և վարչապետ Ռեջեփ Թայիփ Էրդողանի նկարները` Քուրզին ուղղված մակագրությամբ. «Ո՞վ ես դու, փոքրի՛կ: Դու չես կարող որոշել, թե մեր վարչապետը ինչպես խոսի: Վարչապետ Էրդողանը այն մարդու թոռն է, ով հասել է մինչև Վիեննա, մինչև այն տարածքները, որտեղ հիմա ապրում եք դուք»:

Թուրքական «Սաբահ» թերթը հայտնում է, որ թուրք հաքերների խումբն այս առնչությամբ նաև հայտարարություն է տարածել, որում ավստրիացի նախարարին անվանել է անփորձ երիտասարդ: Նրանք հայտնել են, որ ոչ մի երկիր իրավունք և իրավասություն չունի Թուրքիայի ղեկավարներին ասել կամ սովորեցնել՝ ինչպես խոսել: Արդեն աշխարհում կա Թուրքիա, որն իր պանդուխտ քաղաքացիների իրավունքները կպաշտպանի մինչև վերջ:

Հիշեցնենք, որ Ավստրիայի 28-ամյա արտգործնախարար Սեբաստիան Քուրզը հունիսի 13-ին տեղական թերթերից մեկին տված հարցազրույցում զգուշացրել էր Էրդողանին:

«Բացեիբաց զգուշացնում եմ Էրդողանին, որ Ավստրիայի հասարակությունը չի կարող պառակտել: Ինտեգրացիան շատ նուրբ հարց է: Սխալ մի խոսքը մեզ հետ կմղի, միջավայրը կթունավորի: Էրդողանը պարտավոր է այստեղ ապրող թուրքերին ասել, որ գերմաներեն սովորեն և հավատարիմ լինեն Ավստրիային: Սակայն, եթե խոսի այնպես, ինչպես Գերմանիայում, ապա դա կլինի ի վնաս