Էրդողանի կարծիքով մալազիական ինքնաթիռը հրթիռակոծել են ռուսները

Միջազգային08:40, 21 Հուլիս 2014

Էրդողանի կարծիքով մալազիական ինքնաթիռը հրթիռակոծել են ռուսները

Թուրքիայի նախագահի թեկնածու, գործող վարչապետ Ռեջեփ Թայիփ Էրդողանը Բուրսայում հրավիրած հանրահավաքի ժամանակ անդրադարձել է արևելյան Ուկրաինայում վթարի ենթարկված Մալազիայի ավիաուղներին պատկանող ինքնաթիռի թեմային:

Ըստ թուրքական «Դողան հաբեր» լրատվական գործակալության` Էրդողանը համարել է, որ Մալազիային պատկանող ուղևորատար ինքնաթիռը հրթիռային հարձակման է ենթարկվել:

«Ուկրաինայի օդային տարածքում Մալազիայի ինքնաթիռը, հրթիռակոծվելով Ռուսաստանի կողմից, ցավոք կործանվել է: Հոլանդիայից Մալազիա ուղևորվող ինքնաթիռը զարկվում է Ուկրաինայի օդային տարածքում: Սա ի՞նչ բան է: Ի՞նչպես սա հասկանալ»,- ըստ «DHA»-ի նշել է Էրդողանը: Վերջինս նաև դժգոհել է այժմ նկատվող «ես ուժեղ եմ, ինչ ուզեմ` կխփեմ, ինչ ուզեմ`կկործանեմ» մտայնությունից: «Դուք ձեր ուժը մի տեղ օգտագործելու եք, անշուշտ, բայց մի մոռացեք, որ այդ ծուղակների վերևում մի մեծ ծուղակ էլ կա, հենց որի մեջ մի օր ընկնելու եք դուք»:

Ermenihaber.am