Թուրքիայի նախագահն Իսրայելի իշխանություններին անվանել է «անպատասխանատու»

Միջազգային13:20, 22 Հուլիս 2014

Թուրքիայի նախագահն Իսրայելի իշխանություններին անվանել է «անպատասխանատու»

Թուրքիայի նախագահական նստավայրի մամուլի կենտրոնը տարածել է գրավոր հայտարարություն, որի միջոցով նախագահ Աբդուլլահ Գյուլը պետության ու թուրք ժողովրդի անունից վշտակցություն է հայտնել Գազայի զոհերի համար Պաղեստինում հայտարարված եռօրյա սուգին: Գյուլը կոչ է արել բոլոր շահագրգիռ կողմերին լուրջ նախաձեռնություններով ձեռնամուխ լինել արդար և կայուն խաղաղության հաստատմանը:

Թուրքիայի նախագահը ցավակցություն է հայտնել պաղեստինի ժողովրդին կրած մարդկային կորուստների համար և ապաքինում մաղթել հազարավոր վիրավորներին: Հայտարարության մեջ նշված է, որ Պաղեստինի ժողովուրդն ավելի քան 60 տարի օկուպացիայի և ճնշումների տակ է գտնվում: Այդ ընթացքում տված զոհերի թիվը հաշվվում է տասնյակ հազարներով:

«Իսրայելի իշխանությունների անպատասխանատու և անտարբեր վերաբերմունքը, ցավոք, խոսում է այն մասին, որ այս հարձակումը ինչպես որ առաջինը չէ, այնպես էլ վերջինը չի լինելու»,- ասված է հայտարարության մեջ:

Ermenihaber.am