Թուրքական սփյուռքի ընդամենը 5%-ն է մասնակցել Թուրքիայի նախագահի ընտրությանը

Միջազգային08:12, 04 Օգոստոս 2014

Թուրքական սփյուռքի ընդամենը 5%-ն է մասնակցել Թուրքիայի նախագահի ընտրությանը

Արտերկրում բնակվող Թուրքիայի քաղաքացիների համար, ինչպես ավելի վաղ տեղեկացրել էինք, նախագահ ընտրությունների համար քվեարկության ժամկետ էր սահմանվել հուլիսի 30-ից մինչև օգոստոսի 2-ը: Տվյալների ամփոփումից պարզ է դարձել, որ արտասահմանում բնակվող, ընտրության իրավունք ունեցող 2 մլն 722 հզ 981 Թուրքիայի քաղաքացիների ընդամենը 178 հզ 959 հոգի է մասնակցել քվեարկության:

Ինչպես հայտնում է, թուրքական «Ջումհուրիյեթ» լրատվականը, արտերկրում գրանցվել է ընտրություններին մասնակցելու բավականին ցածր ցուցանիշ` 5 տոկոս: Օրինակ` Դանիայում 4 օրվա ընթացքում չի արձանագրվել անգամ 1.000 հոգու քվեարկություն: Դանիայում Թուրքիայի դեսպան Մեհմեթ Դոնմեզը ցավով նշել է, որ Ֆեներբահչեի ֆուտբոլային հանդիպումը դիտելու համար գնացել էր 7.000 թուրք, իսկ ահա երկրի նախագահի ընտրության քվեարկությանն անգամ 1.000 մարդ չի մասնակցել:

Ամենամեծ թուրքական համայնք ունեցող երկրում` Գերմանիայում, որտեղ ընտրության իրավունք ունի 1 մլն 380 հզ 909 մարդ, գրանցվել է քվեարկության մասնակցության 6.6 տոկոս:

Հիշեցնենք, որ օգոստոսի 10-ին Թուրքիայում անցկացվելու են նախագահական ընտրությունները: Առաջադրված թեկնածուները երեքն են.