Եզդիները զինվում են և պատերազի դուրս գալիս իսլամիստ ահաբեիկչների դեմ

Միջազգային10:01, 19 Օգոստոս 2014

Եզդիները զինվում են և պատերազի դուրս գալիս իսլամիստ ահաբեիկչների դեմ

Հյուսիսային Իրաքում բնակվող եզդիները «Իսլամական պետություն» ահաբեկչական խմբավորման գրոհայիններից պաշտպանվելու համար դիմել են զենքի: Իսլամիստ ծայրահեղականների` Շանգալում իրականացրած եզդիների կոտորածից մի կերպ փրկված եզդիները ապաստանել են հյուսիսիրաքյան քրդական շրջաններում և Սիրիայի քրդաբնակ Ռաժավա բնակավայրում: Շուրջ 1.400 եզդի տղամարդ, իրենց ընտանիքները թողնելով ապաստանած վայրերում, զինվել են ու պատերազմ հայտարարել ահակբեկիչներին:

«Մեր ընտանքիները ապահով վայրերում թողնելով` մենք հանուն մեր հողերի ու հանուն մեր պատվի վերադարձել ենք` պատերազմելու իսլամիստ ահաբեկիչների դեմ: Նրանք մեզնից հարյուրավոր մարդկանց են կոտորել, մենք մեր հողերը չենք թողելու նրանց: Շանգալի լեռը մեզ համար սուրբ նշանակություն ունի, այնտեղ ունենք մի շարք սրբավայրեր»,- թուրքական «Դողան» լրատվական գործակալության թղթակցին ասել է Աբդո Համո անունով մի եզդի ազատամարտիկ: Վերջինս տեղեկացրել է նաև, որ իրենք հիմա ռազմակրթական ու զորավարժական որոշ պատրաստություն անցնելուց հետո մարտերի են բռնվելու զինված ահաբեկիչների հետ: Ազատագրական մարտերի համար զինված եզդիների մեջ թուրք լրագրողը նկատել է անգամ 70-80 տարեկան տարեց մարդկանց:

75-ամյա Սերդեշթ Աբդոն պատմել է, որ Շանգալ լեռան վրա եզդիների սարսափելի կոտորած է տեղի ունեցել: Մինչև հիմա հարյուրավոր անթաղ դիակներ կան:

«Մենք վերադառնալու ենք ու թաղենք մեր զոհերին: Երբ ահաբեկիչները հարձակվեցին, զենք-զինամթերք քիչ ունեինք, փամփուշտները չհերիքեցին դիմադրության համար: Այժմ նման խնդիր չունենք: Մինչև վերջ պատերազմելու ենք դրանց դեմ»:

Ermenihaber.am