Կոբի Բրայանտը դադարեցրել է համագործակցությունը թուրքական ավիաուղիների հետ. թուրքերը մեղադրում են հայկական լոբբին

Միջազգային14:27, 28 Օգոստոս 2014

Կոբի Բրայանտը դադարեցրել է համագործակցությունը թուրքական ավիաուղիների հետ. թուրքերը մեղադրում են հայկական լոբբին

Աշխարհահռչակ բասկետբոլիստ Կոբի Բրայանտը, ով 2011 թվականից սկսած համագործակցում է թուրքական ավիաուղիների հետ, որոշել է վերջ դնել համագործակցությանը: 2012 թվականից Բրայանտի և Մեսսիի մասնակցությամբ Թուրքական ավիաուղիների համար տարեկան մեկ գովազդային ֆիլմ է նկարահանվել:

Այս տարի նախատեսվում էր լեգենդար բասկետբոլիստի մասնակցությամբ հերթական 3-րդ գովազդային ֆիլմը: Սակայն NBA-ի աստղը հրաժարվել է նկարահավել գովազդում՝ պատճառաբանելով, որ երկար ընդմիջումից հետո վերսկսել է մարզումները և ժամանակ չունի գովազդում նկարահանվելու համար:

Թուրքական մամուլում շրջանառվող տեսակետի համաձայն ավելի հավանական է համարվում, որ «Լոս անջելես Լեյքերսի» լեգենդար բասկետբոլիստը թուրքական կողմի հետ պայմանագիրը խզել է հայկական լոբբիի ճնշման հետևանքով: Մասնավորապես թուրքական «Հաբերդար» լրատվական կայքը, հիշեցնելով, որ Բրայանտի ու թուրքական ավիաուղիների միջև 3 տարի առաջ կնքված պայմանագիրը առաջացրել էր Կալիֆորնիայի հայ համայնքի դժգոհությունը, նշում է, որ առավել հավանական է՝ նոր պայմանագրի կնքմանը խոչընդոտած լինեն հայկական լոբբիստական կազմակերպությունները:

Ermenihaber.am