Ժնևում՝ ՄԱԿ-ի գրասենյակի հարևանությամբ Հայոց ցեղասպանության հուշարձան տեղադրելու պահանջը մերժվել է

Միջազգային09:22, 01 Հոկտեմբեր 2014

Ժնևում՝ ՄԱԿ-ի գրասենյակի հարևանությամբ Հայոց ցեղասպանության հուշարձան տեղադրելու պահանջը մերժվել է

Ժնևի շրջանային իշխանությունը քաղաքում Միավորված Ազգերի կազմակերպության (ՄԱԿ) շենքի հարևանությամբ Հայոց ցեղասպանության հուշարձան տեղադրելու պահանջը մերժել է: Այս մասին տեղեկացնում է թուրքական «Անադոլու» պետական լրատվական գործակալությունը՝ հղում անելով շվեյցարական «Neue Züricher Zeitung» թերթին: Նշվում է, որ հայկական հուշարձանի կանգնեցման դեմ Թուրքիայի ճնշումները տվել են իրենց արդյունքը: Շրջանային իշխանությունը պահանջել է, որպեսզի Ժնևի քաղաքապետարանն այլ վայր գտնի հուշարձանի համար, որը պետք է տեղադրվեր ՄԱԿ-ի հարևանությամբ՝ «Արիաննա» զբոսայգում: Ժնևի շրջանային իշխանության ղեկավար Ֆրանսուա Լոնշամպը պահանջել է, որ հուշարձանը տեղադրեն մի վայրում, որն ավելի քիչ ուշադրություն կգրավի:

Շվեյցարական թերթը նշել է, որ արդեն 7 տարի է՝ քննարկվում է Ժնևում Հայոց ցեղասպանությանը նվիրված հուշարձան տեղադրելու հարցը, որի շուրջ պայքար է ընթանում մի կողմից հայերի և Ժնևի քաղաքապետարանի, մյուս կողմից Թուրքիայի և Շվեյցարիայի արտգործնախարարության միջև:

Ermenihaber.am