«ԻՊ»-ի ոչ արաբ անդամների մեծ մասը կամ եվրոպաբնակ թուրքեր են, կամ Թուրքիայի քաղաքացիներ

Միջազգային13:00, 03 Հոկտեմբեր 2014

«ԻՊ»-ի ոչ արաբ անդամների մեծ մասը կամ եվրոպաբնակ թուրքեր են, կամ Թուրքիայի քաղաքացիներ

Թուրքական ընդդիմադիր լրատվամիջոց «Ջումհուրիյեթ»-ն անդրադարձել է «Իսլամական պետություն» (ԻՊ) ահաբեկչական խմբավորման անդամների շարքում թուրքերի առկայության փաստին: Հիմնվելով New York Times պարբերականի հրապարակած տվյալների վրա` «Ջումհուրիյեթ»-ը հայտնում է, որ «ԻՊ»-ին կամավորության հիմունքներով անդամակցում է մոտավորապես 1.000 թուրք երիտասարդ, որոնք հիմնականում աննպատակ, անհեռանկար ու անգործ մարդիկ:

Ահաբեկչական կազմակերպությունն իրեն անդամագրված գրոհայիններին օրական վճարում է 150 դոլար գումար, ինչն էլ խթանում է գործազուրկ թուրք երիտասարդների ներգրավմանը: ԱՄՆ կենտրոնական հետախուզական վարչության տվյալներով` Սիրիայում և Իրաքում ահաբեկչությամբ զբաղվող 20-30 հազար «ԻՊ»-ական զինյալներ կան: Իսկ գերմանական «Die Welt» պարբերականի տվյալների համաձայն` «ԻՊ»-ի գրոհայինների թիվը կազմում է 10-15 հազար, որի 10 տոկոսը կազմում են Թուրքիայի քաղաքացիները: Ըստ նույն աղբյուրի` «ԻՊ»-ի ծագումով ոչ արաբ անդամների մեծ մասը կամ Թուրքիայի քաղաքացի են, կամ եվրոպական երկրների քաղաքացիներ թուրքական արմատներով:

Ermenihaber.am