Գերմանիան ակնարկում է քրդերին զինելու անհրաժեշտության մասին

Միջազգային10:26, 16 Հոկտեմբեր 2014

Գերմանիան ակնարկում է քրդերին զինելու անհրաժեշտության մասին

Գերմանիայում իշխող «Քրիստոնեադեմոկրատական միություն» կուսակցության խորհրդի նախագահ Վոլքեր Քաուդերը հայտարարել է, որ «Իսլամական պետություն» (ԻՊ) ահաբեկչական խմբավորման դեմ մարտնչող քրդական ուժերին կարող են օգնել զենքով տրամադրելով:

Այս մասին տեղեկացնում է թուրքական «Հաբերլեր» լրատվականը` վկայակոչելով գերմանական «Spiegel»-ին: Վերջինիս թղթակցի հետ զրույցում Քաուդերը նշել է, որ մի կողմից թեև հասկանալի է Թուրքիայի ունեցած խնդիրները «Քուրդիստանաի բանվորական կուսակցության» (ՔԲԿ-PKK) հետ, բայց մյուս կողմից էլ չի կարելի դիտորդի դերում մնալ և տեսնել, թե ինչպես են «ԻՊ»-ականները գլոբալ չարիք դառնում: Նա նաև ընդգծել է, որ այդ օգնությունը ոչ թե ուղղված է լինելու Թուրքիայի դեմ, այլ պետք է արվի նրա հետ միասին:

Աղբյուրը հիշեցնում է, որ ավելի վաղ Գերմանիայի կանցլեր Անգելա Մերկելը բացառել էր ԵՄ-ի ու ԱՄՆ-ի ցուցակներում որպես ահաբեկչական կազմակերպություն նշված «ՔԲԿ»-ին ռազմական օգնության ցուցաբերումը:

Ermenihaber.am