Հայկական հարցում Թուրքիան աջակցություն է ակնկալում Վատիկանից

Միջազգային10:45, 18 Նոյեմբեր 2014

Հայկական հարցում Թուրքիան աջակցություն է ակնկալում Վատիկանից

Թուրքիան ակնկալում է, որ Վատիկանը Հայկական հարցում կաջակցի Թուրքիայի որդեգրած դիրքորոշմանը: Այս մասին լրագրողներին հայտնել է Վատիկանում Թուրքիայի նորանշանակ դեսպան Մեհմեթ Փաչաջըն, ով օրերիս իր հավատարմագրերն է հանձնել Հռոմի պապ Ֆրանցիսկոս 1-ինին:

Փաչաջըն լրագրողների պահանջով խոսել է Հայկական հարցի վերաբերյալ Վատիկանի դիրքորոշման մասին: Նա նշել է, որ Պապը շարունակ խոսում է երկխոսությունից և խաղաղությունից, իսկ Թուրքիան էլ իրականում հայկական կողմի հետ ցանկանում է երկխոսություն մեջ մտնել: «Կարծում ենք, որ Թուրքիայի այս կեցվածքը և՛ աշխարհիկ, և՛ Վատիկանի նման կրոնական մեծ հեղինակությունների կողմից աջակցություն կստանա: Նման աջակցություն գոնե կարելի է ակնկալել: Աշխարհում երկխոսության համակիրները պետք է աջակցեն Թուրքիայի այս կեցվածքը»,- թուրք դիվանագետի խոսքերը մեջբերել է թուրքական «Սոն դաքիքա» լրատվական կայքը:

Ermenihaber.am