Չավուշօղլու. «Շարունակվող սառը պատերազմի համար վճարում են Հայաստանը, Վրաստանը և Ուկրաինան»

Միջազգային08:44, 18 Նոյեմբեր 2014

Չավուշօղլու. «Շարունակվող սառը պատերազմի համար վճարում են Հայաստանը, Վրաստանը և Ուկրաինան»

Թուրքիայի արտաքին գործերի նախարար Մևլութ Չավուշօղլուն «Կանալ 24» հեռուստաալիքի եթերից անդրադարձել է միջազգային ու տարածաշրջանային մի շարք խնդիրների: Չավուշօղլուն խոսել է նաև ղարաբաղյան հիմնախնդրից:

Նախարարը նախ ընդգծել է, որ սառը պատերազմը ըստ էության չի ավարտվել Ռուսաստանի և Արևմուտքի միջև: Թեև Բեռլինի պատը քանդվել է, բայց չեն քանդվել «ուղեղների մեջ եղած պատերը»: Ըստ Չավուշօղլուի` սառը պատերազմը շարունակվում է և ավելի արտահայտիչ դրսևորում է ստացել հատկապես վերջին ժամանակաշրջանում:

«Ինչո՞ւ չի լուծվում Ղարաբաղի հարցը: Որովհետև Ռուսաստանի ու Արևմուտքի միջև տարաձայնություն կա: Դեռևս շարունակվող սառը պատերազմի համար վճարում են Ուկրաինան, Հայաստանը, Վրաստանը, բայց դրանից Արևմուտքին օգուտ չի լինում: Ուկրաինային ի՞նչ օգուտ կա դրանից, ոչ մի: Մի խոսքով հարկավոր է, որ Ռուսաստանը և Արևմուտքը դաս քաղեն անցյալից և հասկանան, թե ինչ է հանգեցնում սառը պատերազմը»:

Ermenihaber.am