ԱՄՆ փոխնախագահը կմեկնի Թուրքիա` խորացնելու համագործակցությունը ԻՊ-ի դեմ պայքարում

Միջազգային07:24, 19 Նոյեմբեր 2014

ԱՄՆ փոխնախագահը կմեկնի Թուրքիա` խորացնելու համագործակցությունը ԻՊ-ի դեմ պայքարում

ԱՄՆ փոխնախագահ Ջո Բայդենը նոյեմբերի 21-ին մեկնելու է Թուրքիա և Ստամբուլում մի շարք հանդիպումներ է անցկացնելու կառավարության անդամների, վերլուծական կենտրոնների և հասարակական կազմակերպությունների ներկայացուցիչների հետ:

Ըստ նախատեսվածի` Բայդենը նախ կհանդիպի Թուրքիայի վարչապետ Ահմեթ Դավութօղլուի հետ, այնուհետև ելույթով հանդես կգա «Atlantic Council» հետազոտական կենտրոնում կազմակերպվելիք կոնֆերանսին, որտեղ քննարկվելու են էներգետիկային առնչվող հարցեր: Բայդենը հանդիպում կունենա նաև Թուրքիայի նախագահ Ռեջեփ Թայիփ Էրդողանի հետ:

Ըստ «BBC»-ի թուրքական ծառայության` Սպիտակ տան անանուն աղբյուրները հայտնում են, որ Բայդենը թուրք իշխանավորների հետ քննարկելու է «Իսլամական պետություն» (ԻՊ) ահաբեկչական խմբավորման դեմ պայքարում համագործակցությունը խորացնելու հետ կապված հարցեր:

Նշվում է, որ Բայդենը Թուրքիայից բացի այցեր է կատարելու նաև Մարրոկո և Ուկրաինա:

Ermenihaber.am