Աշխարհի ուլտրահարուստներից 915-ը Թուրքիայում է ապրում

Միջազգային11:24, 20 Նոյեմբեր 2014

Աշխարհի ուլտրահարուստներից 915-ը Թուրքիայում է ապրում

«Wealth X» վերլուծական գործակալությունը և «UBS» բանկը հրապարակել են աշխարհի ուլտրահարուստների թվի մասին 2014-ի համատեղ զեկույցը: Պարզվել է, որ աշխարհում 30 մլն կամ ավել դոլարի կարողություն ունեցողների թիվը 2013-ի համեմատ աճել է 7.2 տոկոսով` հասնելով 211 հազարի: Նրանց 87 տոկոսը տղամարդիկ են, 13 տոկոսը` կանայք:

Ըստ զեկույցի` ցուցակի առաջին հորիզոնականում հանգրվանած առաջատարը ԱՄՆ-ն է, որտեղ բնակվում է ոչ պակաս, քան 30 մլն դոլարի կարողություն ունեցող 69.560 մարդ: Երկրորդ տեղում Գերմանիան է` իր 19.095 ուլտրահարուստներով: Եռյակը եզրափակում է Ճապոնիան, որտեղ ապրում է 14.729 ուլտրահարուստ:

Ըստ ուլտրահարուստների քանակի` դասակարգված երկրների առաջին քսանյակի շարունակությունը ստորև`

4. Մեծ Բրիտանիա – 11.510

5. Չինաստան – 11.070

6. Հնդկաստան – 8.595

7. Շվեյցարիա – 6.635

8. Կանադա – 5.305

9. Ֆրանսիա – 4.705

10. Բրազիլիա – 4.225

11. Ավստրալիա – 3.580

12. Մեքսիկա – 3.470

13. Հոնկ Կոնգ – 3.335

14. Իտալիա – 2.295

15. Իսպանիա – 1.800

16. Նորվեգիա – 1.565

17. Սաուդյան Արաբիա – 1.495

18. Հարավային Կորեա – 1.470

19. Սինգապուր – 1.395

20. Հոլանիդա – 1.370

«Սի էն էն թուրք» լրատվական ծառայությունը տեղեկացնում է, որ Թուրքիայում ուլտրահարուստների թիվը նախորդ տարվա համեմատ ավելացել է 15-ով և հասել 915-ի: Նրանց բոլորի ընդհանուր կարողությունը գնահատվում է 120 մլրդ դոլար: 2013-ի համեմատ արձանագրված 14.3 տոկոսանոց աճը Թուրքիային դարձրել է եվրոպական երկրների շարքում 6-րդը:

Ermenihaber.am