ԱՄՆ-ում քննարկվում է «ԻՊ»-ի դեմ կռվող քրդերին զենքով օգնելու հարցը

Միջազգային10:04, 21 Նոյեմբեր 2014

ԱՄՆ-ում քննարկվում է «ԻՊ»-ի դեմ կռվող քրդերին զենքով օգնելու հարցը

ԱՄՆ կոնգրեսի ներկայացուցիչների պալատի արտաքին հարաբերությունների հանձնաժողովում մշակվել է մի նախագիծ, որը նպատակ ունի նախագահ Օբամային լիազորել զենք-զինամթերքով օգնել «Իսլամական պետություն» (ԻՊ) ահաբեկչական խմբավորման դեմ պայքարող քրդական զինուժերին` փեշմերգեյին:

Խոսքը մասնավորապես վերաբերում է «Քուրդիստանի բանվորական կուսակցության» (ՔԲԿ-PKK) սիրիական թևը համարվող «Դեմոկրատական միություն կուսակցության» (ԴՄԿ-PYD) զինյալներին զենք մատակարարելուն: Ըստ թուրքական «Հաբերլեր» լրատվակայքի` օրինագիծն արդեն ներկայացվել է Ներկայացուցիչների պալատին: Այն նախատեսում է շնորհել ռազմական օգնության 3 տարվա լիազորություն:

Ավելի վաղ Իրաքի ամերիկյան ուժերը փորձել էին Քոբանիում ահաբեկիչների դեմ մարտնչող քրդական ուժերին օգնություն ուղարկել զինամթերք և բժշկական պարագաներ, բայց դրանց մի մաս, ցավոք, անցել էր «ԻՊ»-ի ահաբեկիչների ձեռքը:

Ermenihaber.am