Հայոց ցեղասպանության նախաշեմին Թուրքիան նախազգուշացնում է ԱՄՆ-ին

Միջազգային07:25, 26 Նոյեմբեր 2014

Հայոց ցեղասպանության նախաշեմին Թուրքիան նախազգուշացնում է ԱՄՆ-ին

Թուրքիայի Արտաքին գործերի նախարար Մևլութ Չավուշօղլուն ընդունել է Անկարայում ԱՄՆ-ի դեսպան Ջոն Բաասին:

Ինչպես հայտնում է թուրքական «Հաբեր 7» լրատվական կայքը, Թուրքիան 2015-ին Հայոց ցեղասպանության 100-րդ տարելիցին հայկական սփյուռքի արշավի ազդեցությունը նվազեցնելու համար հարձակման է անցել:

Թուրքիայի արտգործնախարարը ԱՄՆ-ի դեսպանին նախազգուշացրել է, որ ԱՄՆ-ի օրենսդիր մարմինների օրակարգում 1915թ.-ի վերաբերյալ բանաձևերի ընդգրկումը երկու երկների հարաբերությունների վրա բացասաբար կազդի:
Թուրքական կայքի մեկնաբանությամբ «հարաբերությունների վրա բացասաբար կազդի» արտահայտությունը նշանակում է, որ Անկարան ԱՄՆ-ի հետ հարաբերությունները արմատապես կվերանայի:

Հիշեցնենք, որ երեկ Մևլութ Չավուշօղլուն Թուրքիայի ազգային մեծ ժողովում 2015 թվականի բյուջեի քննարկումների ժամանակ պատգամավորների հարցերին պատասխանելիս հայտնել էր. «Թուրքիան շարունակում է աշխատանքներ տանել 2015 թվականին ԱՄՆ Կոնգրեսում հայկական բանաձևերի ընդունումը կանխելու համար»: