Լիբիայի կառավարությունը որոշել է երկրից արտաքսել թուրքական ընկերություններին

Միջազգային14:28, 23 Փետրվար 2015

Լիբիայի կառավարությունը որոշել է երկրից արտաքսել թուրքական ընկերություններին

Լիբիայի կառավարության պաշտոնական կայքում հայտարարություն է տարածվել, ըստ որի անցումային կառավարությունը որոշում է ընդունել արտաքսել այդ երկրում գործունեություն ծավալող բոլոր թուրքական ընկերություններին: Այս մասին գրում է CNN turk-ը: Կառավարության հրավիրած արտահերթ նիստում որոշվել է նաև վերանայել բոլոր օտարերկրյա կազմակերպությունների հետ կնքված պայմանագրերը:

Աղբյուրը նշում է, որ դեռևս անցած շաբաթ Լիբիայի կառավարության ղեկավարը թերթերից մեկին տված հարցազրույցի ժամանակ Թուրքիային մեղադրել է իր երկրի ներքին գործերին միջամտելու մեջ և սպառնացել երկրից վռնդել բոլոր թուրքական ընկերություններին:

CNN turk-ի տվյալներով` 2011 թվականին Լիբիայում գործող թուրքական ընկերությունների պայմանագրերը գնահատվել են 15 մլրդ դոլար, որոնց աշխատանքների զգալի մասը, սակայն, կասեցվել է Քադաֆիի ռեժիմի տապալումից հետո: Այն ժամանակ Լիբիայում աշխատելիս են եղել 3 հազար թուրքեր:

Ermenihaber.am