Ելույթի ժամանակ թուրք դեսպանի վրա նռան հյութ են շփել

Միջազգային10:58, 03 Մարտ 2015

Ելույթի ժամանակ թուրք դեսպանի վրա նռան հյութ են շփել

Ֆրանսիայում Թուրքիայի արտակարգ և լիազոր դեսպան Հաքքը Աքիլին ենթարկվել է ցուցադրական հարձակման: Դեպքը տեղի է ունեցել Փարիզի «Դեկարտ» համալսարանի իրավագիտության ֆակուլտետում, որտեղ դեսպանը մասնակցելիս է եղել «Աշխարհիկությունը Թուրքիայում և Ֆրանսիայում» խորագրով գիտաժողովին:

Դեսպանի ելույթի ժամանակ մի երիտասարդ մոտեցել է և նրան ու անսպասելի կերպով վրան նռան հյութ լցրել: Ըստ թուրքկան «yenicaggazetesi.com.tr» լրատվակակայքի՝ իրավապահների կողմից ձերբակալված նշյալ երիտասարդը ազգությամբ հայ Ֆրանսիայի քաղաքացի է:

Թուրք դեսպանը ելությից հետո հայտնել է, որ ոստիկանությունը պարզել է երիտասարդի ինքնությունը: Աքիլը նշել է, որ նախկինում էլ են եղել նմանատիպ հարձակումներ՝ հիշեցնելով Մարսելում և Փարիզում թուրքական զբոսաշրջության գրասենյակների վրա կատարված հարձակումները:

Իսկ հարցին, թե արդյոք 1915-ի 100-րդ տարելիցին ընդառաջ նմանատիպ հարձակումները կավելանան, Աքիլը խորհուրդ է տվել այդ հարցն ուղղել Հայկական սփյուռքին՝ միաժամանակ հավելելով, որ զարմանալի չի լինի, եթե ավելանան:

Աղբյուր` Ermenihaber.am