ԱՄՆ-ում Աթաթուրքի արձանի կառուցման նախաձեռնության դեմ բողոքելու կոչ

Միջազգային11:55, 04 Մարտ 2015

ԱՄՆ-ում Աթաթուրքի արձանի կառուցման նախաձեռնության դեմ բողոքելու կոչ

ԱՄՆ-ում հրատարակվող «Masis Post» հայկական թերթը տեղի հայ համայնքին կոչ է արել բողոքել Լոս Անջելեսից ոչ հեռու գտնվող Քարսոն քաղաքում Աթաթուրքի արձանի կառուցման նախաձեռնության դեմ:

Ըստ թուրքական «Հաբերլեր» լրատվակայքի` «Masis Post»-ը հայ համայնքին մասնավորապես կոչ է արել իրենց բողոքն արտահայտել արձանի կառուցման վերաբերյալ մարտի 4-ին քաղաքապետարանի կողմից անցկացվող հանրային բաց քննարկումների ժամանակ:

Թուրքական կայքը նշել է, որ Կալիֆորնիա նահանգը Հայաստանից հետո աշխարհի ամենահայաշատ վայրն է:

Աղբյուրը հիշեցրել է վերջերս հայ ուսանողների միության նախաձեռնությամբ Բերքլիի՝ «Կալիֆորնիա» համալսարանի ուսանողական խորհրդի ընդունած որոշումը, որով բուհի ղեկավարությանը կոչ էր արվում Թուրքիային զրկել համալսարանի կողմից հատկացված ավելի քան 72 մլն դոլար արժողությամբ պարտատոմսերից և այդ երկրում ներդրումներից:

Աղբյուր` Ermenihaber.am