Օբամայի հատուկ ներկայացուցիչը պատրաստվում է մեկնել Թուրքիա

Միջազգային09:43, 12 Մարտ 2015

Օբամայի հատուկ ներկայացուցիչը պատրաստվում է մեկնել Թուրքիա

«Իսլամական պետություն» (ԻՊ) ահաբեկչական կազմակերպության դեմ պայքարի հարցերով ԱՄՆ-ի նախագահ Բարաք Օբամայի հատուկ ներկայացուցիչ Ջոն Ալենը պատրաստվում է մեկնել Թուրքիա: Պահեստազորի գեներալ Ջոն Ալենի հետ Թուրքիա է մեկնելու նաև ԱՄՆ-ի պետքարտուղարության խորհրդատուի օգնական Բրեթ Մըքգուրկը:

Միացյալ նահանգներում գործող թուրքական`«turkishny.com» լրատվական կայքը, հղում անելով ԱՄՆ-ի պետքարտուղարության հայտարարությանը, նշում է, որ Ալենը և Մըքգուրկը մարտի 12-ին և 13-ին, ԻՊ-ի դեմ արդյունավետ գործողություններ իրականացնելու հարցերը քննարկելու նպատակով նախ կայցելեն Իտալիա և Վատիկան, ապա` Թուրքիա:

Թուրքիա կայանալիք այցի ժամանակ քննարկվելու են ԱՄՆ-ի գլխավորությամբ ԻՊ-ի դեմ ձևավորված միջազգային կոալիցիային Թուրքիայի միանալու հարցը: Քննարկումների օրակարգում է լինելու նաև Սիրիայից և Իրաքից Թուրքիա գաղթած ավելի քան 1 մլն 600.000 փախստականների հարցը:

ԱՄՆ-ի վերոնշյալ երկու պաշտոնյաները Թուրքիայից հետո մեկնելու են Գերմանիա և Բելգիա, որտեղ նույնպես քննարկելու են ԻՊ-ի դեմ պայքար հետագա քայլերը:

Աղբյուր` Ermenihaber.am