Վաշինգտոնը հերքել է օդային աջակցության մասին Չավուշօղլուի հայտարարությունը

Միջազգային09:29, 27 Մայիս 2015

Վաշինգտոնը հերքել է օդային աջակցության մասին Չավուշօղլուի հայտարարությունը

Ամերիկյան կողմը պատասխանել է Թուրքիայի արտգործնախարար Մևլութ Չավուշօղլուի այն հայտարարությանը, թե ԱՄՆ-ի ու Թուրքիայի միջև արդեն «սկզբունքային» համաձայնություն է ձեռք բերվել Թուրքիայում մարզումներ անցնող սիրիական զինված ընդիմության ջոկատներին օդային աջակցություն ցուցաբերվելու շուրջ: Թուրք նախարարն ասել էր, որ օդային աջակցությունը պետք է ապահովվի զինյալների Սիրիա մտնելու և այնտեղ (կառավարական զորքերի դեմ) տարբեր օպերացիաներ իրականացնելու ընթացքում:

Ըստ թուրքական առաջատար «Hyurriyet» թերթի կայքի` ԱՄՆ-ի պաշտպանության նախարարության մամուլի խոսնակ գնդապետ Սթիվ Ուորենը լրագրողների հետ զրույցում չի հաստատել այդ լուրը:

Իսկ այն դիտարկումից հետո, թե նման հայտարարություն է արել Թուրքիայի արտգործնախարարը, բարձրաստիճան զինվորականն ասել է. «Բանկցությունները դեռ շարունակվում են: Այս պահին հայտարարություն չունենք անի»:

Նշենք, որ Թուրքիայի տարածքում ԱՄՆ-ի ու Թուրքիայի ռազմական հրահանգիչները մարզում են սիրիական զինված ընդիմության ջոկատներին ավելի ուշ Սիրիա ուղարկելու նպատակով:

Աղբյուր` Ermenihaber.am