Չինացիների անիմացիոն հոլովակը Թուրքիայի խորհրդարանական ընտրությունների մասին

Միջազգային13:56, 08 Հունիս 2015

Չինացիների անիմացիոն հոլովակը Թուրքիայի խորհրդարանական ընտրությունների մասին

Հունիսի 7-ին Թուրքիայում տեղի ունեցած խորհրդարանական ընտրությունները հայտնվել են ողջ աշխարհի ուշադրության կենտրոնում: Եվ մինչ միջազգային հայտնի պարբերականները զբաղված են ընտրությունների արդյունքների հետ կապված լուրջ վերլուծություններով, չինացիները աչքի են ընկել իրավիճակի հումորային մեկնաբանությամբ: Ինտերնետում Թուրքիայի խուրհրդարանական ընտրությունների վերաբերյալ չինացիների հեղինակած մի ուշագրավ անիմացիոն հոլովակ է հայտնվել:

Ֆիլմում անդրադարձ է կատարվում իշխող «Արդարություն և զարգացում կուսակցության» (ԱԶԿ-AKP) կողմից կիրառվող ակնհայտ ընտրակեղծիքներին, Էրդողանի՝ նախագահական համակարգը ներդնելու երազանքին և հազարավոր սենյակներ ունեցող նախագահական պալատին:

Հիշատակվում է նաև Թուրքիայի ընդդիմադիր «Ժողովրդահանրապետական կուսակցության» (ԺՀԿ-CHP) կողմից նախագահական պալատում ոսկեզօծ զուգարանակոնքերի առկայության մասին պնդումն ու Էրդողանի՝ այդ վարկածի հաստատման դեպում հրաժարական տալու խոստումը: Ֆիլմում տեղ են գտել նաև Սիրիայի սահմանին ընթացող պատերազմն և թուրքական մեդիայում այդ ամենի արտացոլման փաստը:

Անիմացիոն հոլովակում մեծ տեղ է տրվել Թուրքական քրդամետ «Ժողովուրդների դեմոկրատական կուսակցությանը» (ԺԴԿ-HDP), որի մասին ասվում է, որ չնայած այն իր մեծությամբ չորրորդ քաղաքական կուսակցությունն է, սակայն նրա դերն այս ընտրություններում չափազանց մեծ է եղել: ԺԴԿ-ն, փաստորեն, կանխել է Էրդողանի՝ նախագահական համակարգի հետ կապված երազանքի իրականացումը և նոր շունչ է հաղորդել թուրքական կառավարությանը:

Աղբյուր` Ermenihaber.am