Անգլիան Թուրքիա մեկնել ցանկացող իր քաղաքացիներին զգուշացրել է հավանական ահաբեկչությունների մասին

Միջազգային11:13, 15 Հունիս 2015

Անգլիան Թուրքիա մեկնել ցանկացող իր քաղաքացիներին զգուշացրել է հավանական ահաբեկչությունների մասին

Մեծ Բրիտանիայի արտաքին գործերի և համագործակցության հարցերով նախարարությունը (Foreign and Commonwealth Office) հրապարակել է մի ուղերձ, որով զգուշացնում է իրենց արձակուրդը Թուրքիայիում անցկացնել ցանկացող բոլոր անգլիացիներին հնարավոր ահաբեկչական վտանգների մասին:

Բրիտանական «Sunday Express» պարբերականի համաձայն՝ վերոհիշյալ ուղերձում նշվում է, որ «Իսլամական պետություն» (ԻՊ-İŞİD) խմբավորումը կարող է ահաբեկչական գործողություններ իրականացնել Թուրքիայի դեմ, և այս առումով ամենավտանգավոր տարածքը Ստամբուլն է:

«Սիրիայում և Իրաքում տեղակայված ԻՊ-ի ուժերը կարող են հարձակվել հարևան երկրների վրա: Այդ երկրների թվին է պատկանում նաև Թուրքիան»,- ասված է հայտարարության մեջ:

Անգլիական Պաշտպանական հետազոտությունների արքայական միացյալ ինստիտուտի (Royal United Services İnstitute) ներկայացուցիչ Ռաֆաելո Պանտուկիի խոսքերով «Թուրքիան զբոսաշրջության շատ մեծ կենտրոն է և նման է տարատեսակ մարդկանց ծովի: Այստեղ ամեն ինչ էլ կարող է տեղի ունենալ»:

Անգլիացիներն ամենից շատ նախընտրում են հանգստանալ Թուրքիայի հարավային շրջաններում, ընդ որում՝ նախապատվություն է տրվում Անթալիային և Կիպրոսին: Ամեն տարի շուրջ 2.5 մլն անգլիացի է այցելում Թուրքիա:

Աղբյուրի վկայությամբ՝ անգլիացիների այս նախընտրությունը պայմանավորված է նաև նրանով, որ վերջին 12 ամիսների ընթացքում թուրքական լիրան անգլիական ստերլինգի համեմատ շուրջ 16 տոկոսով արժեզրկվել է:

Աղբյուր` Ermenihaber.am