ՆԱՏՕ-ն Թուրքիայի առաջարկով արտահերթ ժողով կգումարի

Միջազգային08:08, 27 Հուլիս 2015

ՆԱՏՕ-ն Թուրքիայի առաջարկով արտահերթ ժողով կգումարի

ՆԱՏՕ-ն դրական է պատասխանել է Թուրքիայի` արտահերթ ժողով հրավիրելու կոչին: Թուրքական «Haber3» լրատվական կայքի հաղորդմամբ` հուլիսի 28-ին ՆԱՏՕ-ի գլխավոր քարտուղար Ստոնտելբերգի նախագահությամբ տեղի կունենա Հյուսիսատլանտյան դաշինքի անդամ երկրների մշտական ներկայացուցիչների արտահերթ ժողովը:

Այս թեմայով կատարած հայտարարության մեջ Ստոլտենբերգը, նշելով, որ Թուրքիայի դեմ կատարված հարձակումից հետո վիճակը լրջացել է, հայտնել է, որ ժողովի ժամանակ Թուրքիան դաշնակից պետություններին տեղեկություններ կհաղորդի ձեռք առնված միջոցների վերաբերյալ:

«ՆԱՏՕ-ն ուշի ուշով հետևում է իր դաշնակիցների շուրջ տեղի ունեցող զարգացումներին ու համերաշխություն հայտնում Թուրքիային»,- նկատել է Ստոլտենբերգը:

Թուրքիայի արտգործնախարարության՝ ավելի վաղ կատարած հայտարարության մեջ էլ նշվում էր. «Մեր ազգային անվտանգությանն ուղղված վերջին հարձակումների ու սպառնալիքների դեմ կատարված քայլերի մասին մեր դաշնակիցներին տեղեկացնելու և խորհրդակցություներ անցկացնելու նպատակով Հյուսիսատլանտյան դաշինքի 4. հոդվածի շրջանակներում ՆԱՏՕ-ի խորհուրդը առաջիկա շաբաթվա մեջ մեր կողմից հրավիրվել է նիստի»:

Աղբյուր` Ermenihaber.am