Թուրքական ռազմաարդյունաբերական ընկերությունը՝ աշխարհի ամենահեղինակավորների ցուցակում

Միջազգային08:40, 28 Հուլիս 2015

Թուրքական ռազմաարդյունաբերական ընկերությունը՝ աշխարհի ամենահեղինակավորների ցուցակում

Թուրքական «ASELSAN» պաշտպանական համակարգեր արտադրող ընկերությունը, որը «Defense News» հայտնի ամսագրի «Defense News Top 100»-ի շրջանակներում դեռևս 2006թ. ընդգրկվել էր աշխարհի ռազմաարդյունաբերական ամենահեղինակավոր ընկերությունների հարյուրակի ցուցակում, բարելավել է դիրքերը:

ASELSAN-ը թուրքական պետական ռազմարդյունաբերական ձեռնարկություն է, ստեղծվել է 1975 թվականին։ Այն մասնագիտացած է ռազմական նշանակության էլեկտրոնային սարքավորումների արտադրության մեջ և համարվում է Թուրքիայի խոշորագույն ռազմարդյունաբերական ընկերությունը։

Ըստ թուրքական «trtturk»-ի՝ ASELSAN-ը վերոնշյալ ցուցակում բարձրացել է 62-րդ հորիզոնական: Եթե 2006թ. թուրքական ընկերությունը ցուցակում զբաղեցնում էր 93-րդ հորիզոնականը, ապա նախորդ տարի այն արդեն գտնվում էր 67-րդ տեղում:

Նշենք, որ վերոնշյալ ամսագրի կողմից ամեն տարի կազմվում է «Defense News Top 100», որի մեջ ներառվում են տարվա 100 լավագույն ռազմաարդյունաբերական ընկերությունները:

Աղբյուր` Ermenihaber.am