Ըստ Եվրամիության՝ Թուրքիան բնավ անվտանգ երկիր չէ

Միջազգային07:31, 16 Սեպտեմբեր 2015

Ըստ Եվրամիության՝ Թուրքիան բնավ անվտանգ երկիր չէ

Լյուքսեմբուրգում տեղի է ունեցել Եվրամիության անդամ երկրների ներքին գործերի նախարարների ժողով, որի ժամանակ քննարկվել է Թուրքիայում ծավալվող թուրք-քրդական բախումները, ինչպես նաև Թուրքիա գաղթած փախստականների հարցը:

Ինչպես հայտնում է թուրքական «haber3» լրատվամիջոցը, ժողովից հետո Լյուքսեմբուրգի արտաքին գործերի նախարարը հանդես է եկել հայտարարությամբ, որտեղ նշել է, որ Թուրքիան այժմ չի ընգրկվում անվտանգ երկրների ցուցակում:

«Այս պահին երկրի ներքին դրության, փախստականների, ինչպես նաև քրդերի հետ բախումների պատճառով Թուրքիան անվտանգ երկրների ցանկում չի ներառվում»:

Վերոնշյալ որոշման հետ կապված Գերմանիայի ներքին գործերի նախարարը նշել է, որ Թուրքիայի հարցն ավելի մանրամասն պետք է ուսումնասիրվի: Իսկ Իռլանդիայի արդարադատության նախարաը ասել է, որ նման որոշումը պայմանավորված է Թուրքիայի ներքին խնդիրներով:

Նշենք, որ միջազգային օրենքի համաձայն` այն երկրում որտեղ հաստատվել են գաղթականաները, եթե գոյություն ունի մահապատիժ, տանջանքներ, անմարդկային վերաբերմունք, ուժային բախումների առկայություն, ապա այդ երկրը համարվում է ոչ անվտանգ:

Հավելենք, որ այժմ Լյուքսեմբուրգը ստանձնել է Եվրամիության ժամանակավոր նախագահության պաշտոնը:

Աղբյուր` Ermenihaber.am