Միջազգային12:52, 02 Նոյեմբեր 2015
«Իսլամական պետությունը» ստանձնել է Թուրքիայում 2 լրագրողների սպանության պատասխանատվությունը
Թուրքիայի Շանլըուրֆա (պատմ. Ուրֆա) նահանգում սպանված սիրիական «Ayn Vatan» պարբերականի լրագրողների սպանության պատասխանատվությունը ստանձնել է «Իսլամական պետություն» (ԻՊ) ահաբեկչական կազմակերպությունը:
Ըստ թուրքական «Haber Turk» թերթի կայքի` այդ մասին տեսանյութ է հրապարակել ԻՊ-ը, որում «Ayn Vatan» պարբերականի խմբագիր Իբրահիմ Աբդուլքադիրին մեղադրվել է «ԻՊ-ի դեմ քրիստոնյաների հետ դաշինք կազմելու մեջ»:
Նշվում է, որ 2 սիրիացի լրագրողների սպանության որոշումն ընդունվել է որպես ԻՊ-ի կենտրոն հայտնի սիրիական Ռաքքա քաղաքում և դեռևս 2 ամիս առաջ այդ նպատակով խումբ է ուղարկվել Թուրքիա:
Հիշեցնենք, որ Թուրքիայի Շանլըուրֆա (պատմ. Ուրֆա) նահանգի Հալիլիյե շրջանի Աթաթուրք թաղամասի երկհարկանի տներից մեկում հայտնաբերվել էին երկու սիրիացի լրագրողների դիեր:
Լրագրողները սպանվել են պարանոցներին հասցված սուր կտրող-ծակող գործիքի վնասվածքներից: Նշվում է, որ երկու լրագրողներն էլ Սիրիայի Ռաքքա քաղաքի գրանցում ունեին:
Լրագրողների սպանության հետ կապված արդեն 7 հոգի բերման էր ենթարկվել թուրքական ոստիկանություն
Այս ենթաբաժնի վերջին նորությունները
Հաշվի են առնվել երկրների ռազմական կարողությունները, տեխնոլոգիական ենթակառուցվածքները և այլն։
Ստամբուլի օդանավակայանը օրական իրականացնում է միջինում 1624 թռիչք։
Ճապոնիայի Առևտրի նախարարության հայտարարության համաձայն՝ որոշումը ուժի մեջ կմտնի սեպտեմբերի 19-ից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |