Կանադայում թուրքերը Ռուսաստանի դեմ բողոքի ցույց են կազմակերպել

Միջազգային11:49, 30 Նոյեմբեր 2015

Կանադայում թուրքերը Ռուսաստանի դեմ բողոքի ցույց են կազմակերպել

Կանադայի Տորոնտո քաղաքում տեղի թուրքական և թուրքմենական մի շարք կազմակերպությունների անդամներ բողոքի ցույց են կազմակերպել Ռուսաստանի Դաշնության (ՌԴ) գլխավոր հյուպատոսարանի առջև: Թուրքական «timeturk» լրատվամիջոցի փոխանցմամբ` բողոքի ցույցն ուղղված է եղել Սիրիայի Բայըրբուջաք շրջանում ռուսական օդուժի ռմբկոծությունների դեմ, որտեղ մեծամասամբ թուրքմեններ են բնակվում:

Վերոնշյալ ցույցին մասնակցել են Կանադայում բնակվող կիպրացի թուրքեր, Ադրբեջանցի թուրքեր, «Կանադայի Թուրքական միությունների դաշնության» անդամներ: Վերջիններս ծածանել են հակառուսական բովանդակություն ունեցող պաստառներ:

«Տորոնտոյի թուրքմենների տան» կազմակերպության նախագահ Քեմալ Դաղըսթանլը, մեկնաբանելով Սիրիայում ռուսական կողմի իրականացրած գործողություները, ասել է. «Այն, ինչ անում է Ռուսաստան, հասկանալ հնարավոր չէ: Ղրիմում վերջացրեցին, հիմա էլ թուրքմենների հերթն է: Նրանք ասում են, որ այնտեղ ԻՊ-ի («Իսլամական պետություն» ահաբեկչական կազմակերպություն) ուժեր կան: Բայց այնտեղ ոչ մի կազմակերպություն չկա: Այն,ինչ |Իրաքում արեցին 3.5մլն թուրքմենների դեմ, հիմա էլ նույնը անում են Սիրիայի մեր ցեղակիցների դեմ»

Սիրիայում ռուսական օդուժի ռմբակոծությունները քննադատել է նաև «Կանադայի թուրքմենական միություններ դաշնության» կազմակերպության նահագահի տեղեկալ և միաժամանակ «Բալկանյան թուրքերի միության նախագահ Իսմայիլ Վաթաները:

Աղբյուր` Ermenihaber.am