Օբաման Էրդողանի հետ հանդիպումից հետո. «Պարոն Էրդողանը ճիշտ է»

Միջազգային12:40, 01 Դեկտեմբեր 2015

Օբաման Էրդողանի հետ հանդիպումից հետո. «Պարոն Էրդողանը ճիշտ է»

Փարիզում, որտեղ ընթանում է կլիմայի հարցերով գագաթնաժողովը, ավարտվել է ԱՄՆ նախագահ Բարաք Օբամայի և Թուրքիայի նախագահ Ռեջեփ Թայիփ Էրդողանի հանդիպումը: Հանդիպման ավարտից հետո երկու նախագահները համատեղ հայտարարություն են արել:

Թուրքական իշխանամետ «Sabah» թերթի տեղեկացմամբ՝ Էրդողանն ասել է, որ հանդիպման ժամանակ քննարկվել են Սիրիայում տեղի ունեցող դեպքերը: Ըստ Էրդողանի՝ իրենց նպատակը Վիեննայում անցկացված հանդիպումների ժամանակ Սիրիայում անցումնային գործընթացին վերաբերյալ ձեռք բերված պայմանավորվածությունները հաջողությամբ ավարտին հասցնելն է:

Թուրքիայի նախագահը տեղեկացրել է, որ հանդիպման ժամանակ քննարկվել են նաև Թուրքիա-Ռուսաստան հարաբերությունների ներկա վիճակը:

«Այս պահին մեր խնդիրն է, թե ինչպես այս գործում դիվանագիտությամբ արդյունքի հասնել, քանի որ տարածաշրջանում առկա լարվածությունը մեզ համար էլ է մտահոգիչ»:

Իսկ Սպիտակ տան ղեկավարը նշել է, որ սատարում է Թուրքիայի ինքնապաշտպանության իրավունքը:

«Հանդիպման ժամանակ խոսել ենք լարվածությունների թուլացման, դիվանագիտական ճանապարհով խնդիրների լուծմանը մասին: Պարոն Էրդողանը ճիշտ է, այդ մասին Վլադիմիր Պուտինին էլ ասացի: Լարվածությունն ամենևին օգտակար չէ»:

Աղբյուր` Ermenihaber.am