Ղրիմում պատրաստվում են անվանափոխել «Թուրքական փողոցը»

Միջազգային12:32, 08 Դեկտեմբեր 2015

Ղրիմում պատրաստվում են անվանափոխել «Թուրքական փողոցը»

Ռուսաստանի Դաշնության (ՌԴ) կազմում գտնվող Ղրիմի Ինքնավար Հանրապետության Սիմֆիրորպոլ քաղաքում պատրաստվում են տեղի «Թուրքական փողոց» կոչվող պողոտան անվանափոխել:

Նախաձեռնությունը պատկանում է Սիմֆիրորոպոլի քաղաքապետ Գեննադի Բահարյովին, ով առաջարկել է պողոտան անավանակոչել ի պատիվ Սիրիայում թուրքական օդուժի կողմից խոցված «Су-24» ռուսական ինքնաթիռի սպանված օդաչու Օլեգ Պեշկովի:

Թուրքական «Milliyet» պարբերականի հաղորդմամբ` փողոցի անվանափոխությունը հնարավոր կլինի է միայն այն դեպքում, երբ Սիմֆերոպոլի քաղաքային խորհրդի կողմից համապատասխան որոշում կայացվի:

Ի դեպ, Բահարյովը նաև գրառում է կատարել «Twitter»-ում, նշելով. «Ղրիմի քաղաքները Թուրքիայի իրենց եղբայր-քաղաքների հետ հարաբերությունները միակողմանի խզում են»:

Հիշեցնենք, որ նոյեմբերի 24-ին թուրքական F-16 կործանիչները թուրք-սիրիական սահմանին ռուսական ռազմական ինքնաթիռ էին խոցել՝ պատճառաբանելով, թե այն խախտել է թուրքական սահմանը:

Աղբյուր` Ermenihaber.am