Թուրք-իրաքյան լարվածության շրջանակներում Չինաստանը աջակցել է Իրաքին

Միջազգային09:17, 10 Դեկտեմբեր 2015

Թուրք-իրաքյան լարվածության շրջանակներում Չինաստանը աջակցել է Իրաքին

Չինաստանի արտգործնախարարությունը զգուշացրել է Թուրքիային՝ «Անհրաժեշտ է հարգել Իրաքի տարածքային ամբողջականությունը»:

Թուրքական «ensonhaber.com» լրատվակայքի տեղեկացմամբ՝ Թուրքիայի կողմից Իրաքի Մուսուլ քաղաքի մերձակայքում ռազմական ուժերի տեղակայման հարցում Չինաստանը աջակցություն է հայտնել է Իրաքին: Չինաստանի արտգործնախարարության խոսնակ Հուա Չունյինգը մայրաքաղաք Պեկինում կազմակերպված հերթական մամուլի ասուլիսի ժամանակ հայտնել է, որ իրենք ուշադրությամբ հետևում են թեմայի վերաբերյալ զարգացումներին:

Չունյինգը հիշեցրել է, որ Թուրքիայի և Իրաքի պաշտպանության նախարարները հեռախոսազրույց են ունեցել և կոչ արել կողմերին՝ խնդիրը կարգավորել բանակցությունների միջոցով:

Արտգործնախարարության խոսնակը նշել է, որ խնդրին պետք է մոտենալ միջազգային իրավունքի սկզբունքների և հատկապես ՄԱԿ-ի սահմանադրության շրջանակներում:

«Անհրաժեշտ է հարգել Իրաքի ինքնուրույնությունն ու տարածքային ամբողջականությունը,- նշել Չունյինգը: Իսկ անդրադառնալով ահաբեկչության դեմ պայքարին՝ խոսնակn ընդգծել է.- Պետք է առաջնորդվել ՄԱԿ-ի Անվտանգության խորհրդի համապատասխան որոշումներով և միջազգային իրավունքի սկզբունքներով»:

Չինաստանի ատրգործնախարարի խոսնակը շեշտել է, որ միայն այդ դեպքում հնարավոր կլինի տարածաշրջանում իրական խաղաղություն և կայունություն հաստատել:

Աղբյուր` Ermenihaber.am