Թուրքիան ռազմաբազա է հիմնելու Քաթարում

Միջազգային13:54, 16 Դեկտեմբեր 2015

Թուրքիան ռազմաբազա է հիմնելու Քաթարում

Թուրքիայի նախաձեռնությամբ Քաթարում հիմնվելու է ռազմաբազա: Ինչպես փոխանցում է թուրքական «dunya» լրատվակայքը, դա Թուրքիայի առաջին ռազմաբազան է լինելու Մերձավոր արևելքում

Ընդհանուր թշնամու դեմ պայքարելու նպատակով ռազմաբազա հիմնելու մասին պայմանագիր Թուրքիայի և Քաթարի միջև ստորագրվել էր դեռևս 2014 թվականին: Իսկ նույն թվականի հունիսին Թուրքիայի խորհրդարանը վավերացրել էր ստորագրված պայմանագիրը:

Աղբյուրը տեղեկացնում է, որ թուրքական կողմի նախաձեռնությամբ ստեղծվելիք ռազմբազայի թեմային «Reuters» լրատվական գործակալության հետ զրույցում անդրադարձել է Քաթարում Թուրքիայի արտակարգ և լիազոր դեսպան Ահմեթ Դեմիրոքը:

Նա մասնավորապես ընգծել է, որ ռազմաբազայում տեղակայվելու են 10 հազար զինվոր: Բացի դրանից տեղակայվելու են ռազմաօդային և ռազմածովային ուժեր, ինչպես նաև հատուկ նշանակության ջոկատներ:

«Թուրքիան և Քաթարը նույն հարցերի առջև են կանգնած: Տարածաշրջանային մի շարք զարգացումները և որոշ երկրների անորոշ քաղաքականությունը երկու երկրներին էլ անհանգստացնում են: Ընդհանուր թշնամու դեմ ենք կանգնած: Մերձավորարևելյան այս ճգնաժամի շրջանում երկու երկրների միջև համագործակցությունը շատ կարևոր է»:

Հավելենք, որ Քաթաթում ռազմաբազա ստեղծելու խոսակցություններն ի հայտ եկան այն ժամանակ, երբ Թուրքիայի նախագահ Ռեջեփ Թայիփ Էրդողանը պաշտոնական այցով մեկնել էր Քաթար:

Աղբյուր` Ermenihaber.am