Դավութօղլու. «Իրականում Ռուսաստանն օկուպացնում է Սիրիան»

Միջազգային07:42, 26 Հունվար 2016

Դավութօղլու. «Իրականում Ռուսաստանն օկուպացնում է Սիրիան»

Թուրքիայի վարչապետ Ահմեթ Դավութօղլուն «CNN International»-ին տված հարցազրույցում Ռուսաստանի գործողությունները Սիրիայում անվանել է օկուպացիա:

Ըստ թուրքական «Sondakika.com» լրատվական կայքի` Դավութօղլուն մասնավորապես ասել է. «Ռուսաստանը երկար ժամանակ դեմ էր արտահայտվում Սիրիայում անմիջական միջամտություն կատարելուն: Սակայն այժմ ինքն է միջամտել, ընդ որում շատ բացասական կերպով: Իրականում օկուպացնում է Սիրիան»:

Դավութօղլուի խոսքով Ռուսաստանի գործողությունների 90 տոկոսի թիրախը դառնում են խաղաղ բնակչությունն ու Իդլիբում, Ազեզում ու Լաթաքիայում գտնվող «չափավոր ընդդիմության» ուժերը:

«Ռուսաստանը հարվածել է դպրոցներին ու հիվանդանոցներին: Ռուսական ուժերի հարվածներից վիրավորվածները Թուրքիայում են ապաստանում: Ռուսաստանի գործողությունների միայն 10 տոկոսն է ուղղված ԻՊ-ին («Իսլամական պետություն» ահաբեկչական կազմակերպություն): Մենք ակնկալում ենք, որ Ռուսաստանն այլևս իր գործողություններով չի ստիպի խաղաղ բնակչությանը սեղմվել դեպի Թուրքիայի սահման»,- հույս է հայտնե Թուրքիայի կառավարության ղեկավարը:

Աղբյուր` Ermenihaber.am