Թուրքիան Սոմալիում ռազմաբազա կհիմնի

Միջազգային09:48, 29 Փետրվար 2016

Թուրքիան Սոմալիում ռազմաբազա կհիմնի

Իրաքից, Ադրբեջանից, Քաթարից ու Ալբանիայից հետո այժմ էլ Թուրքիան պատրաստվում է ռազմաբազա հիմնել Սոմալիում:

Ըստ թուրքական «Vatan» թերթի կայքի` Սոմալիի կառավարության ցանկությամբ հիմնվող բազայի նպատակը կլինի Աֆրիկայում ահաբեկչության դեմ պայքարը: Ռազմաբազայում Սոմալիի բանակային և ոստիկանական ստորաբաժանումները հատուկ պատրաստություն կանցնեն «Աշ Շաբաբ» ահաբեկչական խմբավորման գրոհայինների դեմ ռազմական գործողություններ իրականացնելու համար: Նշյլա կառույցը 2013-ին պայթյուն էր իրականացրել Սոմալիում Թուրքիայի դեսպանատան առջև:

Այդպիսով Թուրքիան Միացյալ Նահանգների, Ֆրանսիայից, Մեծ Բրիտանիայից ու Ճապոնիայից հետո կդառնա 5-րդ երկիրը, որը ռազմաբազա կունենա աֆրիկյան մայրցամաքում:

Սոմալիում հիմնվելիք ռազմաուսումնական բազայում, որը պատրաստ կլինի ընթացիկ տարվա ամառվա վերջին, նախնական 200 թուրք զինվորական կգտնվի: Բազայում պատրաստություն կանցնեն 10.500 սոմալեցի զինոր ու ոստիկան:

Աղբյուր` Ermenihaber.am