Ըստ Օլանդի՝ Թուրքիայի եվրաանդամակցելու հարցում զիջումներ չպետք է արվեն

Միջազգային08:11, 14 Մարտ 2016

Ըստ Օլանդի՝ Թուրքիայի եվրաանդամակցելու հարցում զիջումներ չպետք է արվեն

Ֆրանսիայի նախագահ Ֆրանսուա Օլանդը հայտարարել է, որ փախստականների հոսքը դեպի Եվրոպա դադարացնելու դիմաց Թուրքիային զիջումներ չպետք է արվեն Եվրամիության (ԵՄ) անդամակցության հարցում: Թուրքական «hurriyet» պարբերականի հաղորդմամբ` այդ մասին Օլանդը հայտարարել է Ելիսեյան պալատում տեղի ունեցած Եվրոպայի ձախակողմյան և սոցիալ-դեմոկրատական կուսակցությունների ժողովի ժամանակ:

«Մարդու իրավունքների կամ վիզաների ազատակացմանացման չափորոշիչների հարցում որևէ զիջում չպետք է արվի: Թուրքիայում մարդու իրավունքների և վիզաների ազատականացման հանգամանքները պիտի թափանցիկ գործոն լինեն Թուրքիա-ԵՄ հարաբերություններում»:

Ավելի վաղ Ֆրանսիայի նախագահը նշել էր, որ 2016թ. հունիսից Թուրքիայի քաղաքացիներն առանց վիզայի կարող են մուտք գործել շենգենյան գոտի միայն այն դեպքում, եթե իրականացվեն առաջ քաշված 72 կետերը:

Մարտի 7-ին Եվրամիությունը և Թուրքիան նախնական համաձայնության էին եկել սիրիացի փախստականներին ընդունելու հարցում: ԵՄՆ-ն համաձայնել էր Թուրքիային տարամադրել 3 մլրդ դոլար իր տարածքում փախստականներին պահելու համար:

Հիշեցնենք, որ մարտի 17-18ին Բրյուսելում տեղի է ունենալու ԵՄ- Թուրքիայի գագաթնաժողովը, որի օրակարգում է նույնպես լինելու փախստականների հարցը:

Աղբյուր` Ermenihaber.am